10 Xaqiiqo Aadan Ogayn oo Guurka ku Saabsan .

Bal qiyaas iskucelcelis waqti intee la’eg ayay isla qaataan lamaaneyaasha is qaba? Waad la yaabeysaa jawaabta waayo waa waqti aad u yar. Taasi waa uun mid kamid ah xaqiiqooyinka dhabta ah ee guurka oo inaad aamintaa ay adkaan doonto. Halkaan waxaan idinkugu soo bandhigayaa waxyaabo kale oo xiisa leh oo laga yaabo inuu fekerkaaga bedelo haddii ninka iyo xaaskiisa ay maalinwalba 15 daqiiqo keligiisa isla qaataan intay isla fadhiistaan.  

1. Dadka isqaba Waxay u Baahan Yihiin in ay Waqti Badan isla qaataan

Maadaama qofwalba uu ku mashquulayo shaqo, xannaaneynta carruurta, isticmaalka aaladda internetka iyo waxyaabo kaleba, lamaanayaashu isku celcelis waxaa laga yaabaa in maalintii ay isla qaataan 5 daqiiqo iyagoo isu gaar ah

2. Guurka jacaylka Laisku Guursado Wuu Adag Yahay inuu Waaro

In ka badan 75% dadka isku guursado shukaansi iyo xiriir jacayl ka dhexeeyay guurkooda wuxuu ku dambeeyaa furriin.

3. Guurka Yaraanta Lagu Guursado Waa Dhib Miiran

Marka ay dadku ku guursadaan da’da 20 jirka am aka yar wuxuu qayb wayn ku leeyahay furriinka ku badan bulshadeena. Sidoo Kale marka ay gabadhu guursato nin ka da’ yar waxaa ku badanaya halista furriinka. 

4. Shukaansiga oo Sanado Badan Lagu Qaato Mustaqbalka guurka uma fiicna

Cilmi baarisyo la sameeyay ayaa muujiyay sarekaca heerka furriinka iyo qanacsanaan liidata inay ka imaaneyso marka ay dad sanado badan shukaansi kusoo qaataan. Waxaana loo sababeeyaa guurka kadib sheekooyinkii badnaa inay meesha ka baxayaan taasoo niyadjab ku keenta gabdhaha.

5. Dadka Hela Guur ay ku faraxsan yihiin ayaa nolosha kalena hormar ka gaara

Markay lamaaneyaashu helaan guur ay ku wada faraxsan yihiin waxay waqti u helayaan sidii ay midkoodba midka kale oo nolosha guul uga gaari ayagoo weliba is caawinaya.

6. Guurka Wanaagsan Wuxuu Keenaa Qaneecadda nolosha

Guurku wuxuu aad u kobciyaa qaneecada Nolosha, Sidaasa Waxaa Qaba Xeeldhereyaasha Cilmunafsiga ee Jaamacadda Wake Forest University oo ku taalla cariga Mareykanka. 

7. Sheyga ugu Muhiimsan ee Guur Farxad leh

Lamaanayaashu sheyga ugu muhiimsan ee farxadda guurka ay u arkaan waa saaxiibtinimada, kalsoonida, farxadda iyo Qosolka, iscafinta iyo wadaagidda raaxada sariirta,

8. Farxadda guurka kadib Waxay ku Xiran Tahay Hadba Dabeecadda Qofka guurka Kahor

Cilmibaaris Qaadatay mudoo 15 sano ah ayaa lagu ogaaday in heerka farxadda shakhsiga guurka ka hor ay  tilmaan cad u tahay farxaddiisa guurka kadib. Sikale haddan u dhigo guurka keligiis farxad ma keeno.

9. Inta badan dadka Furriinka Soo Mara Waxay Dib U Guursadaan Muddo Yar kadib

In kabadan 65% dadka guur hore usoo maray waxay mar kale dib ku guursadaan wax ka yar  laba sano.

10. Dadka Isqaba in ka badan 10 Sano Way Isu Ekaadaan

Bal dib u fiiri dadka kuu dhow ama aad adiguba taqaano ee is qabay mudoo ka badan 10 sano. Marka aad mid iyaga kamid ah aragto islamarkiiba maxaa maskaxdaada Kusoo dhacayo?

Su’aashaas jawaabteeda adiga ayaan kuu dhaafayaa akhrise ee kasoo faalo dhiibo qaybta commentska.

Haddi aad ka heshay maqaalkan, fadlan ha iloowin inaad asxaabtaada lasii wadaagto.

 Waxaa Qoray Macalin Ifiye