Xalka Burburka Qoyska! Sidee Looga Baaqsan Karaa Furiinka?

Ma jiro xal sida daawada dhakhtar ka uu qoro oo kale ah oo lagu leeyahay intaas hadad ka qadato waad caafimaadaysaa, lkn waxan halkan kuugu soo gudbinayaa 10 qodob oo ah qayb ka mid ah khibradaha dad ka daraaseeya arrimaha qoyska, ogowna dad ka oo dhan isku dabeecad ma wada aha ee is faham ka lamaanaha iyo sida ay arrimohooda si wada jir ah ugu xalisan karaan ayaa gundhig iyo asaas ba u ah in laga baaqsado burbur ka qoyska 

1. In la kobciyo garashada iyo garaadka dhalinyarada guurdoonka ah lana helo xarumo tababar iyo kuwo la talin oo khuseeya arrimaha qoyska. 

2. In la yareeyo kala shakiga iyo kalsooni yaraanta keeni karto inuu abuurmo hinaase ama masayr, iyadoo la xoojinayo kalsoonida labada qof lana xalinayo wixii khaladaad ah ee soo baxaba si is ixtiraam isku kalsoonaan leh. 

3. In lamaanuhu waqti isa siiyaan aanan lagu mashquulin wax yaabaha keeni karo qof ka inuu u dareemo inan wax ihtimaam ah la siinayn. 

4. In labada qof ee si qaba ay iyagu iska qanciyaan waxa dhexdooda ah sheekadoodana aysan banaanka u bixin 

5. In si wanaagsan loo akhriyo loona dabaqo sidii uu nabigeena CSW uu ku dhaqi jiray qoysaskiisa, maxaa yeelay rasuulku CSW guriyihiisa mushkilado way ka jiri jireen wuuna xalin jiray annagana waa inan ooga dayanaa oo waa nala faray. 

6. In la xoojiyo kalsoonida la iskana yareeyo shakiga faraha badan, ee horseedi karo burburka qoyska. 

7. In lamaanuhu ay joogteeyaan farxada billawga guurka oo lagu dadaalo in xiriirka is wicitaanka haddiyadaha iyo wax kasta oo keeni kara in jacaylku siyaado la joogteeyo. 

8. In loo turo caruurta masaakiinta ah ee ku rafaada nolosha burburka ka dib. 

9. Khilaaf kasta iyo mushkilad kasta oo qoys waxay leedahay xal tiro badan oo aan ahayn in qoyska la burburiyo marka halagu dadaalo in la raadiyo markasta xal kale oo aan ahayn in la burburiyo qoyska. 

10. Sabir ka iyo isu dulqaadashada, isqancinta iyo doodaha wax dhisaya ee labada lamaane waxay ka mid yihiin waxyaabaha lagu yareeyo xasaasiyadaha khilaafka keeni kara inuu qoysku burburo sidaas darted aan ku dadaalno tilmaamahaas uu sabirku ugu wayn yahay.